Concello do Irixo

Localización

O municipio ourensán do Irixo, un dos municipios máis extensos de Ourense con unha superficie de 121 km², está situado ao noroeste da provincia e servindo de límite coa provincia de Pontevedra. A súa orografía está determinada polo contraste da montaña e os vales cubertos estes por densas e tupidas masas de coníferas e algunhas especies autóctonas. Os picos montañosos máis altos son o pico de Uceiro con 1.003 metros nos Montes do Testeiro e o Pico Seco, con 935 metros de altura na Serra do Faro.

O municipio ofrece a posibilidade de achegarnos ao seu pasado cun percorrido polos castros de Corneda, Orros e Souteliño, probas de poblamientos de fai miles de anos. Por outra banda, son varias as igrexas parroquiais que completan a oferta cultural que presenta O Irixo: Igrexa de Santo Estevo de Cangués, as igrexas de San Xoán de Froufe, Santa María do Campo, a parroquial de Reádegos e Santiago de Corneda, todas elas barrocas de considerable riqueza ornamental nas fachadas. A arquitectura relixiosa está representada tamén no municipio por distintos cruceiros e algún peto de ánimas en Loureiro, que por outra banda, proban a tradición canteira da zona.

A estrada OU-202 comunica os 11 quilómetros que separan O Irixo co Carballiño, capital da comarca. Atópase a 38 km aproximadamente da cidade de Ourense.