Abre ben os ollos ante as propostas que che presentamos. O municipio ofrece a posibilidade de acercarnos ao seu pasado un percorrido plos castros de Corneda, Orros e Souteliño, probas de poboamentos de fai miles de anos.

Por outra banda, son varias as igrexas parroquiais que completan a oferta cultural que presenta O Irixo: Igrexa de Santo Estevo de Cangues, as igrexas de San Xoán de Froufe, Santa María do Campo, a parroquial de Reádegos e Santiago de Corneda, todas elas barrocas de considerable riqueza ornamental nas fachadas.

A arquitectura relixiosa está representada tamén no municipio por distintos cruceiros e algún peto de ánimas en Loureiro, que por outra parte, proban a tradición canteira da zona.