O teito gotea auga que deteriora esta construcción do século XVIII.
O alcalde de O Irixo, Manuel Cerdeira, confirma que nos vindeiros días comenzarán as obras para repoñer a cuberta da igrexa de San Pedro de Espiñeira. Un acordo involucra ao Concello, á Asociación de Veciños e ao Obispado na execución deste urxente proxecto para evitar que continúe o deterioro no interior do edificio, provocado polas filtracións de auga.
A inversión prevista ronda os 75.000 euros e o alcalde de O Irixo, Manuel Cerdeira, tamén recoñece que máis adiante haberá que acometer reformas no interior para solventar os desperfectos provocados plas filtracións e a humidade, que afectaron ás estructuras de madeira e tamén ás paredes. e outros elementos que precisan encalado e pintura.
O presuposto é financiado a partes iguais polos veciños, o Concello e o Obispado, aportando cada un 33.000 euros.
O Concello xa conta coa autorización de Patrimonio e esperou a finais de agosto para comezar as obras trala celebración das festas patronair de San Pedro para poder empregar a igrexa para os oficios relixiosos nesas datas.
Historia
A igrexa parroquial de San Pedro de Espiñeira data do século XVIII. Consta dunha nave dun só corpo e dunha capela maior á que se accede a través dun arco de medio punto.
