ENTRENANDO AS CABECIÑAS é un programa de talleres de estimulación cognitiva para persoas maiores de 50 anos.
Organizado pola Mancomunidade dos Concellos da Comarca do Carballiño, vense levando a cabo dende o ano 2017 na Casa do Concello de O Irixo, cuadriplicando este ano a participación.
Debido á boa acollida e á importancia que estes talleres teñen para traballar áreas como a linguaxe, a memoria, o cálculo, a atención e as funcións executivas; queremos achegar este tipo de actividades ós núcleos de poboación máis alexados do noso Concello e así facilitar o servizo a tódolos/as nosos/as veciños/as.
Se eres da Parroquia de Parada de Laviote, Froufe, Espiñeira, San Cosme de Cusanca ou do Regueiro e tes máis de 50 anos, anímate a participar!
Con grupos de mínimo 6 persoas poderás desfrutar destes talleres sen saír da túa Parroquia!
Para máis información e/ou inscricións podes pasar pola Casa do Concello ou chamar ó 988287400
